Tariflər

Qiymətləndirmə geniş mənada, qiymətləndirici subyektlərin əmlakın bazar və ya digər dəyərlərinin (girov dəyəri, investisiya dəyəri, likvid dəyəri, tam bərpa dəyəri, qalıq dəyəri, ləğvetmə dəyəri) müəyyən edilməsinə yönəlmiş fəaliyyətidir.

Ümumi ifadə ilə dedikdə, qiymətləndirmə əmlakın dəyərinin müəyyən edilməsidir. Lakin, bu və ya digər əmlakın qiymətləndirilməsi məqsədindən asılı olaraq, onların dəyəri əsaslı surətdə dəyişə bilər. Bu da, obyektin dəyərinin spesifik məqsədlər üçün müəyyən edilməsi tələblərindən irəli gəlir. Daha doğrusu, hər hansı əmlakın vergiyə cəlb edilməsi və ya ipoteka krediti məqsədilə qiymətləndirilməsində müxtəlif yanaşmalar və metodlar tətbiq olunur.

XÜSUSİ QEYDLƏR:

1. Qiymətləndirmə işinin icra müddəti obyektə baxış günündən hesablanır;
2. İstehsal obyektləri üçün qiymətləndirmənin icra müddətinə tərkibindəki avadanlıq, texnika və qurğulara görə düzəlişlər edilir;
3. Bu cədvəldə əksini tapmayan pozisiyalar üzrə xidmət haqqı və işin icra müddəti razılaşdırma əsasında müəyyən edilir;
4. Şirkətin bölgə nümayəndəlikləri olduğu üçün xidmət haqqlarına ezamiyyət xərcləri əlavə edilmir.