Haqqımızda
“VECON Consulting” MMC qiymətləndirmə şirkəti 02 avqust 2010 – cu il tarixində qeydiyyatdan keçmişdir. Sözügedən şirkətin əməkdaşları tərəfindən Bakı şəhərində və Azərbaycan Respublikasının rayonlarında minlərlə daşınmaz əmlak obyekti, avadanlıq, texnika və nəqliyyat vasitələri, habelə, hava və su nəqliyyat nümunələri beynəlxalq standartlara tam uyğun şəkildə qiymətləndirilmişdir.
Şirkətin sahibi və direktoru Azərbaycan və beynəlxalq qiymətləndiricilər institutları tərəfindən sertifikatlaşdırılmış, iqtisadçı – ekspert Vüqar Orucdur. V.Oruc eyni zamanda Azərbaycan qiymətləndiricilərinin peşəkar birliyi olan Azərbaycan Qiymətləndiricilər Cəmiyyətinin sədr müavini və İdarə Heyətinin üzvü, AQC Ekspertiza Mərkəzinin rəhbəridir. Digər mütəxəssislərimiz də, European Certification İnstitute, СОО Евразии və Azərbaycan Qiymətləndiricilər Cəmiyyəti tərəfindən əmlakın müxtəlif növləri üzrə sertifikatlaşmadan keçmişdir.
İki nüfuzlu qurum (SMM və DAİM) 2018 – ci ilin yekunlarına görə Vüqar Orucu “ilin qiymətləndiricisi” və “ilin əmlak eksperti” nominasiyaları üzrə mükafata layiq görüb. 2019 – cu ilin nəticələrinə görə isə şirkətimiz “İlin qiymətləndirmə şirkəti” seçilmişdir. Şirkətə 2019 – cu ilin “Xəzər” milli mükafatı təqdim olunmuşdur.
Qiymətləndirmə prosesində önəmli məsələlərdən biri də sözügedən xidmətin keyfiyyətli şəkildə Sifarişçiyə təqdim edilməsidir. “VECON Consulting” Qiymətləndirmə şirkəti etibarlı və risksiz partnyorluq proqramı çərçivəsində peşə məsuliyyətinin sığortasını təmin etmiş, “ATƏŞGAH” Sığorta Şirkəti ASC ilə bağlanan müqaviləyə əsasən qiymətləndirmə fəaliyyəti nəticələri sığortalanmışdır.
“VECON Consulting” qiymətləndirmə şirkətinin bölgələr üzrə nümayəndəlikləri bütün Azərbaycanı əhatə edir. “VECON Consulting” qiymətləndirmə şirkəti tanınmış “JSC International Valuation Centre” qiymətləndirmə şirkətinin partnyorudur. Şirkətimiz Maliyyə Bazarlarına Nəzarət Palatasının, Aqrar Kredit və İnkişaf Agentliyinin, eləcə də Azərbaycan Respublikası Kredit Zəmanəti və İpoteka Fondunun müvəkkil təşkilatıdır. “VECON Consulting” MMC Azərbaycan Milli Sahibkarlar Konfederasiyasının və Azərbayacan Qiymətləndiricilər Cəmiyyətinin kollektiv üzvüdür.
